Venres 30 de xullo, as 21:30 h na Pista Vermella de Maside

Deixa atrás o estrés e a ansiedade… Reláxate, conecta coa natureza, practica actividade física ao aire libre, pilates…

Martes e Xoves de agosto

No recinto da piscina – 20:15 h

PRAZAS LIMITADAS

Información e Inscrición no 988 401108

Neste 2021, Nacións Unidas escolleu como lema para este 8M “Por un futuro igualitario no mundo da COVID-19”. A crise que trouxo consigo a pandemia que estamos a vivir, puxo de relevo a importancia fundamental das contribucións das mulleres como as cargas desproporcionadas que soportan.

Durante esta pandemia as mulleres estiveron, e están, en primeira liña e desempeñaron, e seguen a facelo, un papel extraordinario. As mulleres levaron máis peso, en tanto que son maioría dentro do persoal sociosanitario, e froito da desigualdade, tamén na vida privada asumen unha carga moito maior no coidado dos menores e persoas dependentes. A todo elo temos que sumarlle que as medidas adoptadas para conter o coronavirus xeraron circunstancias que agravaron a maior das crueldades do machismo, agravaron a violencia sobre as mulleres.

A mensaxe deste 8M debe estar presente nas conciencias e acción de tódalas persoas, entidades e institucións día tras día. Debe estar presente os 365 días do ano.

É por elo, que dende o Concello de Maside queremos por de manifesto que as mulleres contan coa nosa determinación para priorizar e promover en todos os eidos ós que poidamos chegar, as políticas e medidas que contribúan ó verdadeiro respecto dos seus dereitos e establecemento da xustiza social, especialmente aquelas accións que traballen na concienciación dos nosos veciños e veciñas e na axuda a cada unha das rapazas e mulleres para que, en igualdade de oportunidades e condicións que os homes, poidan ocupar na sociedade o lugar que lles corresponde por dereito propio e que non é outro que o que elas desexen e escollan.

Neste senso o Concello de Maside, co seu alcalde, José Manuel Iglesias Araujo, á cabeza levarán ó seguinte pleno a moción de aprobación do IIº Plan de Igualdade de Oportunidades entre Mulleres e Homes do Concello de Maside. Documento que rexerá a vida municipal en tanto en canto nel se reflexan propostas para a mellora e avance do noso municipio no eido da igualdade.

No Concello de Maside estamos traballando na elaboración e posta en marcha do II PLAN DE IGUALDADE DE OPORTUNIDADES ENTRE MULLERES E HOMES DO CONCELLO.

Neste proceso gustaríanos contar coas achegas, suxestións e opinións de todas as persoas implicadas, para elaborar así un documento axustado a realidade que sirva para una verdadeira transformación do concello e que sen dúbida contribuirá a mellora da calidade de vida de todas e todos.

Agradecemos polo tanto a túa colaboración cumprimentando esta pequena enquisa antes do próximo 10 de febreiro.

Enlace: https://forms.gle/u3hUMZBEzLWGb1YHA

PARTICIPA!

O Concello de Maside leva a traballar na promoción da igualdade de xénero e contra as
violencias machistas dende fai anos. Dende o grupo de goberno considérase
imprescindible o traballo neste eido de maneira trasversal en tódolas áreas que abarca o
traballo municipal, é por elo que quere darlle visibilidade a ese traballo agora que se
acerca o Día Internacional Contra a Violencia de Xénero (25N), para que toda a
poboación se faga eco da labor desenvolta ata o de agora.

O Concello de Maside comezará a semana estreando un novo sistema de alumeado led
na fachada do edificio consistorial que permite que o edificio do concello adquira unha
cor morada para conmemorar o 25N.

O luns día 23 de novembro o Concello de Maside organiza unas funcións “Entre
Mulleres Anda o Xogo”, para nenos e nenas de Educación Infantil e Educación
Primaria do CPI Terras de Maside onde se traballarán os valores da Igualdade e a Non
Violencia contra as Mulleres.

O Concello de Maside ven de por en marcha unha campaña de promoción da Igualdade
e Contra a Violencia de Xénero: Maside Libre de Violencias Machistas en
colaboración cos distintos negocios, comercios, do municipio. Elaborouse un logo que
pretende ser a imaxe de Maside na loita contra a Violencia Machista. Este logo foi
impreso en pegatinas que se entregarán ó longo dos vindeiros días a tódolos negocios do
municipio para que estes a luzan nos escaparates. Así tamén se elaboraron bolsas co
mesmo logotipo para entregar a tódolos comercios e que as repartan entre a súa
clientela, estas tamén estarán a disposición de calquera cidadán interesado nas oficinas
dos Servizos Sociais a onde poderán dirixirse para solicitar a súa.

Outra das actuacións emprendidas foi a edición dun video promocional coa
colaboración das mulleres do municipio, onde as protagonistas son veciñas do concello.
Elas son as que ante situacións de maltrato, violencia contra as mulleres ou cativos
levantan a súa voz #EuTamenDouACara. Este esperamos sexa o primeiro dunha serie
de spots que promocionen a Igualdade e a Non Violencia contra as Mulleres onde os
protagonistas sexan os nosos veciños/as, onde eles se sintan participes das actuacións
que neste eido se poñen en marcha.

Todas estas actuacións contan coa colaboración da Secretaría Xeral da Igualdade en
desenvolvemento do Pacto de Estado Contra a Violencia de Xénero.
Por ultimo, o vindeiro mércores, coincidindo coa celebración do Día Internacional
Contra a Violencia de Xénero, celebrarase un pleno no cal o grupo de goberno presenta
unha moción onde “a violencia de xénero non ten cabida na sociedade que aspiramos a
ser, nin na democracia que queremos consolidar”. Entre os puntos desta moción
recollese “a importancia de chegar a todas esas mulleres que viven no rural e son
maiores, son moi vulnerables e queremos facerlles saber que non están soas, que nos
teñen aquí para o que precisen, …. que estamos aquí para elas…”